Di Chairman of di Presidential Committee on Fiscal Policy and Tax Reforms, Taiwo Oyedele, yarn dis one for one break out session during di Nigeria Economic Summit wey NESG organize.
Im talk say di people wey dey earn over 100m monthly, wey be di rich people, suppose dey pay 25% tax
Oyedele explain say di 25% tax wey dem wan put for di rich people na to balance things make e reduce di tax wahala for people wey no dey earn plenty, while the higher-income people go dey contribute more to government revenue
E still yarn say di Federal Government get plan to pay businesses back 100% of di Value Added Tax (VAT) wey dem don pay for asset and services. Dis one na to help encourage businesses and grow di economy.
