For one historic ceremony wey dem do for di Rotunda inside di US Capitol on Monday, Donald J. Trump don officially take oath as di 47th president of di United States. Dis na im second term afta four years wey e comot from di White House.
By 12 noon, Trump take di oath of office, promise say im go lead di country with fresh energy and big plans wey go change di way di US dey do things, both for house and for outside di country. As im dey talk to di crowd wey gather, di new president nak dem tori about wetin im wan do and di kind executive orders wey go shape di future of America.
Trump Bold Plans Dem
Trump no waste time to show wetin dey im mind as im dey return to office. Di plans wey im talk about include:
- Border Security: E say im go declare national emergency for di southern border and wan proscribe cartel groups as terrorist organizations.
- Energy Independence: Trump go sign executive order to allow more drilling for inside America, cancel di Green New Deal, and support di American car industry.
- Economic Policy: Im promise say e go dey tax and put tariffs on other countries so dat di money go benefit American people.
- Government Efficiency: E wan arrange beta way to run government make e dey work well well.
- Free Speech: Trump go sign order wey go stop di government from censor people and bring back free speech.
- Social Policy: Im talk say di government go recognize only two genders: male and female.
- Military Restoration: Soldiers wey dem commot because dem no take vaccine mandate go get dia jobs back with full pay.
Foreign Policy and National Identity
Trump still talk wetin im wan do for how America go stand for di world. Some of di things wey im talk include:
- Change di name of di Gulf of Mexico to Gulf of America.
- Reclaim di Panama Canal for di United States.
- Talk say America success go dey measured by di wars wey dem end and di ones wey dem no even enter at all. Im call himself "peacemaker."
Trump Vision for Di Future
For im inaugural speech, Trump give Americans hope and tell dem say di country go shine again. “America, di impossible na wetin we sabi pass, and I dey here as proof. We be Americans, and our golden age just start,” na wetin Trump talk as di crowd clap for am.
Dignitaries, business people, supporters, and international representatives bin attend di inauguration. Di second term of Trump go bring big changes, and everybody dey watch to see how im go take achieve di plans wey e don talk.
