President Bola Ahmed Tinubu don approve say make Jami'u Abiola be di Senior Special Assistant(SSA) to di president on Linguistics and Foreign Matters.
Di Secretary to di Government of di Federation(SGF), Senator George Akume, talk say for one statement on Wednesday for Abuja, say the appointment go start from November 14, 2024.
Dis one follow di rules of di certain political and judicial office Holders(salaries and allowances,etc) Act 2008, wey dem don amend, Akume talk for di statement, wey Mr Segun Imohiosen, Director of information and public relations for him office sign on his behalf
Before him appointment, Jami'u bin serve as di Special Assistant to di President on Special duties for di office of di vice president.
Him go work closely with di Federal Ministry of Foreign Affairs and use all him experience to help for him new work.
Jami'u Abiola na pikin of di late Chief Moshood Abiola(MKO), Wey win di election wey dem no accept for June 12, 1993 presidential election, and late Kudirat Abiola, wey dem kill during her fight to recover di mandate from di election wey dem no accept
