Lagos Don Start To Remove Illegal Buildings For Banana Island
Officials of di Lagos State Building Control Agency(LASBCA) and di Lagos State Environmental and SPecial Offences Unit(Task Force) don start to dey scatter buildings for Banana Island wey no follow di Lagos State Urban and Regional Planning Development Law (2019).
Dis one dey follow wetin Governor Babajide Sanwo-Olu talk last weekend wen him visit di place wey dat seven- storey building wey fall scatter for Banana Island.
Governor Sanwo-Olu tok say di site of di building wey fall bin no dey di original plan for Banana Island.
Na General Manager of LASBCA, Arc. Gbolahan Oki and di Task Force Chairman, CSP Shola Jejeloye lead di pipo wey dey scatter di building dem for Banana Island.
