Di Lagos State House of Assembly on Wednesday decline di confirmation of 17 nominees wey Governor Babajide Sanwo-Olu recommend for commissioners and special advisers.
22 out of di 39 Commissioner nominees wey dem send to state House Assembly pass di legislative screening for Lagos state.
Remember say on di 28th July, 2023 di governor bin submit names of 39 commissioner -nominees and special advisers to di House for screening.
Di names of nominees wey di lawmakers drop na former commissioner for information, Gbenga Omotosho, former commissioner for health, Prof. Akin Abayomi, Solape Hammond, special adviser to the governor on Sustainable Development Goals (SDGs) for di first term, and her colleague, former commissioner for Budget and economic planning, Sam Egube, Commissioner for Women Affairs and Poverty Alleviation, Dada Cecilia, and former Special Adviser on Works and Infrastructure, Aramide Adeyoye.
Di ones wey dem confirm na Hon. Layode Ibrahim, Mobolaji Ogunlende, Dr. Dolapo Fasawe, Hon. Bola Olumegbon, Idris Aregbe, Ms. Abisola Ruth Olusanya, Moruf Akinderu Fatai, Kayode Bolaji-Roberts, Engr. Abiola Olowu,Toke Benson-Awoyinka, Dr. Oreoluwa Finnih-Awokoya, Yakub Adedayo Alebiosu, Lawal Pedro SAN, Tunbosun Alake, Gbenga Oyerinde.
SPeakerof di House , Rt Hon. Mudashiru Obasa wey siddon on top dat day sitting tok say di confirmation na afta serious screening of di nominees by one ad-hoc committee wey di Chief Whip of di House, Hon. Fatai Mojeed lead.
Obasa tok say di committee try well well and make di nomineess remember say dem dey office to serve Lagosians no be one one person.
He still promise say di House go continue to do eim best for di interest of di state.
How una see di mata?
#chookmouth
