Di Independent National Electoral Commission (INEC) don announce di dates for di governorship elections for Edo and Ondo States.
Di Edo State election go happen on Saturday 21 September 2024 while di one of Ondo State go be on Saturday 16 November 2024.
INEC's National Commissioner and Chairman of di Information and Voter Education Committee, Sam Olumekun, announced dis one for one statement on Tuesday for Abuja.
Di party primaries for di Edo Governorship Election go happen from 1 - 24 February 2024 while di submission of di list of nominated candidates will go start from on 4 March 2024 and end on di 24th.
Olumekun tok say di final list of candidates go come out on di 23rd April 2024 while di political campaigns go start on 24 April 2024 and end on 19 September 2024.
Still on top dis one, party primaries will run for Ondo State from 6 - 27 April 2024, while di online submission of di list of nominated candidates go hapen from on di 29 April to 20 May 2024.
Di final list of candidates go come out on 18 June 2024 while di political campaigns go start from 19 June 2024 and end 24 hours before election day.
Di Ondo Governorship Election will happen on 14 November 2024.
INEC dey tell all di political parties and dia supporters say make dem obey all di rules.
How una see di mata?
#chookmouth
