Suicide Bombing Don Kill 50 People For Adamawa State

Suicide Bombing Don Kill 50 People For Adamawa State

Many people don die for di suicide bombing attack wey happen for one mosque where worshippers go do morning prayer for Mubi town, Adamawa state.

Di Adamawa Police Command don confirm say na 50 people die inside di bombing attack. Dey kon talk say people wey dey rescue di victims still dey count di number of people wey die inside di attack.

Di command Public Relations Officer, SP Othman Abubakar talk say, “We get 50 people wey don die and now we dey try get di exact number of di people wey dey injured.”

Meanwhile, di National Emergency Management Agency, NEMA don confirm say na 21 people die. NEMA coordinator, North-eastern, Bashir Garga, while e dey talk for one telephone interview, talk say dey don carry di eight people wey  dey injured inside di attack commot for treatment.

Di suicide attack wey one teenage boy do after early morning prayers for one mosque don kill at least 21 people, and dem don transfer eight others wey dey seriously injured to FMC, Yola,” Mr Garga talk.

Di boy wey be about 17-years-old, wear suicide vest enter mosque togeda with other worshippers, immediately after di prayers, he kon blow di bomb. Aside from di eight people wey dem don transfer, others wey dey  wounded dey receive treatment for various hospitals inside Mubi North.”

Dis incident na di first for three years, since dem liberate Mubi from Boko Haram insurgents for 2014.

Related Articles
Like Love Haha Wow Sad Angry


November 21st, 2017

No comments