Metro

Armed Robbers Attack Passengers Wey Dey Inside BRT Bus

Armed Robbers Attack Passengers Wey Dey Inside BRT Bus

About 30 agberos wey carry weapons like guns, cutlasss don attack passengers inside BRT and dem thief all their valuables and money.

According to di New Telegraph,  na Sunday, di armed robbers wey pretend say dem be passengers stop di bus for Toll Gate area of Lagos – Abeokuta Expressway. Na so they cum begin dey threaten di passengers, dey thief di things and money wey  dey their hand.

Na di conductor of the BRT bus wey run commot go alert people about wetin dey happen.  Dem catch three of di armed robbers, after people don gather to pursue dem.

Abraham Alabi wey see everything as e take happen talk say, “Na Sunday di incident happen when people dey inside house.  If to say na for working day, di road go dey busy, as people go dey return home from work.

I believe say di robbers do wetin dem do because just few human and vehicular movements dey road for that time of di day. Three suspects don already dey with di police”.

Di BRT conductor report to di police say im bus dey go Lagos, but e kon stop when e reach Toll gate area around 10 p.m.

She talk say about 30 agberos, wey carrying weapons like cutlasses, kon rush inside di bus without collecting tickets, dem attack di passengers and thief their money and other valuables. She talk say dem collected di money wey dey her hand too.

Di Lagos State Police Public Relations Officer, ASP Olarinde Famous-Cole, don confirmed di incident. He talk say: “Di suspects dey with us as di investigation continue.”

Related Articles
Like
Like Love Haha Wow Sad Angry

digital

October 20th, 2017

No comments