Entertainment

Burna Boy Dey “On Di Run” Over Mr 2Kay Robbery – Police

Burna Boy Dey “On Di Run” Over Mr 2Kay Robbery – Police

Di Lagos state police don talk say wetin Burna Boy management talk na lie, say e no honour deir invitation for Monday.

Dem rob Mr 2Kay for gunpoint inside im hotel room for Eko Hotel and Suites, Victoria Island, Lagos, during di “Buckwyld N Breathless” concert where im performed.

Di police invite Burna Boy because im road manager Joel Kantiok dey among those wey dem arrest and parade. Di police invite am, after some of di suspects confess say , na Burna boy contract dem to “teach (Mr 2Kay) lesson”.

Burna Boy record label Spaceship Entertainment released one statement yesterday say, he don honour  di police invitation for Monday, and he don dey cooperate with officers.

But di police don deny am, according to wetin di PRO Lagos Command Olarinde Famous-Cole talk for statement –

“Di Lagos state Police Command go like inform members of di public say Damini Ogulu a.k.a ‘Burna Boy’ neva  report himself to di police and e still dey on di run.

Di command sef go like inform di public say na only Burna Boy father, one Samuel Ogulu don visit di  Investigating Police Officer (IPO) wey incharge of di case and im promise to bring Burna Boy before di  police.

Di  Command dey use dis medium beg  Burna Boy papa and relatives to do wetin right, na im be say make dem bring Burna boy to di police before di hand of di law catch am.”

Like
Like Love Haha Wow Sad Angry
1

Wazobia FM

November 22nd, 2017

No comments

Leave a Reply

Your email address will not be published. Required fields are marked *