President Muhammad Buhari on Thursday, don assure Nigerians say him administration no go stopt until all Nigerians enjoy better life.
Buhari, talk this thing for south West conference of the All Progressive Congress, APC, for ibadan, Oyo state, on Thursday, him also talk say we Nigerians, go soon feel him administration policies.
Buhari the talk this thing now, when him administration don already dey under serious criticism from Nigerians, because of bad economy problem wey Nigeria the face since him take over.
Senator Femi Ojudu, Buhari political adviser wey represent am for the conference talk say the darkest part of night na wen day wan break, say Nigeria dawn wan break, and say them dey determined to turn things around, say change no dey easy.
Him also talk say Nigerians need to change the way them dey do things, say things fit dey difficult now but e no go stay, everything go better under the policies of the Government wey him work na to improve the economy situation.
Ojudu say already things dey better, for example the oil and gas industries, plenty investors don dey show interest to build petroleum refineries, say very soon now issue of fuel scarcity go be something of the past.