Una Ogbonge station Wazobia fm don clock eight correct years of giving dem country people correct correct gbadument and informate, this jolli celebration take place on the Sunday 1st of November 2015 for dem station wey dey for Victoria Island Lagos.

Chop chop plenty well well for the party ,plus plenty cake wey the On air Personalities like Nedu,Lolo1 and Kody put hand cut.

Also all dem fans from all over obodo naija chook mouth to wish dem happy birthday, this na to show say wazobia Fm na truly the station for the people.

Wazobia don win plenty awards over this eight years as reward for all dem good and hard work.